Avronest Parlament Assambleyası Avropa Birliyi ilə Şərq Tərəfdaşlığı ölkələri arasında daha sıx əlaqələrin möhkəmləndirilməsi üçün vacib platformadır.
Verilən məlumata görə, Yerevanda keçirilən Avronestin 12-ci sessiyasında Ermənistan Parlamentinin sədri Alen Simonyan bu barədə bəyanat verib.
O, PA-nın həmsədrlərini və nümayəndə heyətinin üzvlərini qarşılayaraq, Avropa Birliyi ilə Şərq Tərəfdaşlığı ölkələri arasında əlaqələrin dərinləşdirilməsinin əhəmiyyətini vurğulayıb.
“Avropa Birliyi ilə parlament əməkdaşlığı və Şərq Tərəfdaşlığı Ermənistanın demokratik islahatlarının formalaşmasında böyük rol oynayıb.
Biz açıq şəkildə demokratikləşmə və islahatlar yolunu seçmişik və bu yolu davam etdirməkdə sadiqik” – deyə Simonyan bildirib.
Onun sözlərinə görə, son illərdə Ermənistanla Avropa Birliyi arasında ikitərəfli əməkdaşlığın demək olar ki, bütün sahələrində – siyasi, iqtisadi, təhlükəsizlik və müdafiə sahələrində misli görünməmiş irəliləyiş əldə edilib.
“Vizaların liberallaşdırılması ilə bağlı dialoq da sürətli tempdə irəliləyir. Ermənistan hərtərəfli və genişləndirilmiş tərəfdaşlıq sazişinin effektiv həyata keçirilməsinə sadiqdir. Əminəm ki, yaxınlarda razılaşdırılan yeni tərəfdaşlıq gündəliyi əməkdaşlığın yeni prioritetlərinin möhkəmləndirilməsinə kömək edəcək” – deyə Parlamentin sədri vurğulayıb.
Alen Simonyan həmçinin xatırladıb ki, bu ilin mart ayında Parlament Ermənistan Respublikasının Avropa Birliyinə üzvlük prosesinin başlanması ilə bağlı vətəndaş təşəbbüsünü təqdim edən qanun layihəsini qəbul edib.
“Biz cəmiyyətimizin Avropaya inteqrasiya məsələsində belə fəal mövqe tutmasının şahidi olduğumuza görə xoşbəxtik” – deyə o, qeyd edib.
