Biz çoxdan balanslaşdırılmış və balanslaşdıran xarici siyasət elan etmişik və belə qiymətləndirmələr var ki, bu qaynar geosiyasi dövrdə balansı qoruyub saxlaya bilirik. Bunu ER xarici işlər naziri Ararat Mirzoyan “Orbeli Forumu: Sülhün və çoxtərəfli əməkdaşlığın qurulması” adlı beynəlxalq konfransda çıxışı zamanı deyib.
“Bizim ABŞ-la strateji tərəfdaşlığımız var, bizim strateji dialoqumuz var və artıq Böyük Britaniya ilə, Aİ-nin bir sıra üzvləri ilə tərəfdaşlıq səviyyəsini yüksəltməyə çalışırıq, Aİ ilə münasibətlərimizi xeyli dərinləşdiririk, Rusiya Federasiyası ilə tərəfdaşlığımız var.
Biz dəfələrlə demişik ki, yaxın qonşularımızla münasibətlərə nə qədər böyük əhəmiyyət veririk. Dörd qonşudan Gürcüstan və İranla əla münasibətlərimiz var, Azərbaycan və Türkiyə ilə münasibətləri tənzimləməyə çalışırıq.
Xarici İşlər Naziri qeyd edib ki, Avropa İttifaqı ilə münasibətlərin dərinləşməsinə hazırda yalnız tarazlıq kontekstində baxmaq olar.
“Əlbəttə ki, Ermənistanın Aİ-yə üzvlük üçün müraciəti ilə bağlı konkret məsələ ortaya çıxacağı andan etibarən bu məsələyə yenidən baxmaq məntiqli olacaq, lakin ən azından bu zaman istənilən ölkə ilə münasibətlərimizə məhz şaxələndirmə kontekstində baxmaq olar”.
Ararat Mirzoyan əlavə edib ki, Ermənistan hamı ilə tarazlığı qorumağı bacarır və bu da qonşu ölkələrə də fayda verir.
