Ermənistan Elektrik Şəbəkələrinin lisenziyasının ləğvi barədə qərar qəbul edilib

Ermənistanın Dövlət Xidmətlərinin Tənzimlənməsi Komissiyası “Ermənistan Elektrik Şəbəkələri” şirkətinin lisenziyasının ləğvi barədə qərar qəbul edib.

Komissiyanın qərar layihəsi 17 noyabrda səsverməyə çıxarılıb.

Layihə komitədə bir neçə gün müzakirə edildi. 18 iyun 2025-ci ildə Ermənistanın Baş naziri Nikol Paşinyan “Ermənistan Elektrik Şəbəkələri”nin milliləşdirilməsinin vaxtının çatdığını elan etdi. 2025-ci ilin iyul ayında Ermənistan Parlamenti şirkətin milliləşdirilməsinə yönəlmiş qanunvericilik təşəbbüsünü ikinci oxunuşda və tam şəkildə qəbul etdi və bu, Dövlət Xidmətlərinin Tənzimlənməsi Komissiyasına yeni səlahiyyətlər verdi.

Xüsusilə, qanunda nəzərdə tutulur ki, lisenziyalı təşkilatın fəaliyyəti yüksək risklidirsə, hökumətin səlahiyyətli orqanı hesabat təqdim edə, icraata başlamazdan əvvəl qabaqlayıcı tədbirlərin tətbiqini mümkün edə, bu tədbirlərin növlərini, onların tətbiqi qaydasını və qanunilik şərtlərini aydınlaşdıra bilər. 18 iyulda Dövlət Xidmətlərinin Tənzimlənməsi Komissiyasının sədri Mesrop Mesropyanın qərarı ilə Romanos Petrosyan Ermənistan Elektrik Şəbəkələr müvəqqəti direktoru təyin edildi.

Ermənistan Elektrik Şəbəkələrinin sahibi Tashir Capital şirkətlər qrupudur. Şirkət Ermənistan Elektrik Şəbəkələrinin müvəqqəti administrator təyin etmək qərarına Stokholm Arbitraj Məhkəməsində etiraz edilib.