Ermənistan Gürcüstanın 2026-cı ildə İrəvanda keçiriləcək Avropa Siyasi Birliyinin 8-ci Zirvə Toplantısında və Bioloji Müxtəliflik Konvensiyasının Tərəflərinin 17-ci Konfransında (COP17) iştirakını gözləyir.
Bu haqda Tbilisidə Gürcüstan Prezidenti Mixeil Kavelashvili ilə birgə keçirilən mətbuat konfransında Ermənistan Prezidenti Vahaqn Xaçaturyan bildirib.
“Ermənistan 2026-cı ildə Bioloji Müxtəliflik Konvensiyasının Tərəflərinin 17-ci (COP 17) Konfransına və Avropa Siyasi Birliyinin 8-ci Zirvə Toplantısına ev sahibliyi etmək üçün fəal şəkildə hazırlaşır. Gürcüstan tərəfinin iştirakını gözləyirik” – deyə Ermənistan Prezidenti qeyd etdi.
Vahaqn Xaçaturyan həmçinin vurğuladı ki, Gürcüstan Prezidenti ilə ikitərəfli gündəlik məsələlər müzakirə edilməklə yanaşı, regional inkişaf məsələləri də müzakirə edilib.
O, həmçinin bildirib ki, danışıqların əsasını ikitərəfli iqtisadi əməkdaşlıq, həmçinin nəqliyyat, turizm, energetika, biznes, investisiyalar, mədəniyyət, təhsil və gənclik sahələrinə aid geniş suallar təşkil edib.
Avropa Siyasi Birliyinin 8-ci Zirvə Toplantısı 4 may 2026-cı ildə İrəvanda, Bioloji Müxtəliflik Konvensiyasının Tərəflərinin 17-ci Konfransı isə 18-30 oktyabr tarixlərində keçiriləcək. Ermənistan Prezidenti 19-20 noyabr tarixlərində Gürcüstanda rəsmi səfərdədir.
Səfər çərçivəsində Prezident Vaqhaqn Xaçaturyan artıq Gürcüstan Prezidenti Mixeil Kavelashvili ilə görüşüb. Prezident həmçinin Gürcüstan Baş naziri İrakli Kobaxidze və Parlament Sədri Şalva Papuaşvili ilə də görüşlər keçirəcək.
