ABŞ-ın vasitəçiliyi ilə Ermənistan və Azərbaycan arasında keçirilən sülh sammitinin nəticəsi olaraq elan edilən Beynəlxalq Sülh və Rifah üçün Tramp Təşəbbüsü (TRIPP) bütün region üçün yeni perspektivlər açır və Orta Dəhlizin gücləndirilməsinə kömək edəcək.
bunu Gürcüstan Parlamentinin sədri Şalva Papuaşvili sPUTNIK Sputnik Gürcüstana müsahibəsində bildirib.
“Bu, rəqabətin inkişafı, eləcə də daşıyıcılara ən yaxşı şəraitin təklif olunması və beləliklə, dəhlizimizin daha da cəlbedici olması üçün vacibdir. Rəqabət bunu yalnız artırır”, – Papuaşvili bildirib.
Onun sözlərinə görə, Cənubi Qafqazdakı başqa bir marşrut regionun sabitliyinə dəlalət edir. Bu isə daha çox investisiya cəlb edəcək.
“Bu, özlüyündə regional sabitliyin mesajıdır və həm dəhliz ətrafındakı infrastruktura, həm də regionun müxtəlif sektorlarına ümumi investisiyalar baxımından bütün digər investisiya növlərini genişləndirəcək. Buna görə də, bütün region üçün faydalı olacaq bu təşəbbüsü alqışlayırıq”, – Papuaşvili qeyd edib.
Qeyd edək ki, Orta Dəhliz, çoxtərəfli əməkdaşlıq vasitəsilə əlaqəni və Şərq-Qərb ticarətini yaxşılaşdırmaq üçün 2013-cü ildə Azərbaycan, Gürcüstan, Qazaxıstan və Türkiyə tərəfindən başlanan multimodal marşrutdur. Marşrut Cənub-Şərqi Asiya və Çindən başlayır və Orta Asiya, Xəzər dənizi, Azərbaycan, Gürcüstandan keçir və Aİ-yə qədər davam edir.
