Elektromobillərin idxalı üçün əlavə dəyər vergisindən azadolma müddəti daha bir il, 2026-cı il dekabrın 31-dək uzadılacaq, lakin azadolma yalnız 2024-cü il və daha sonra istehsal olunmuş avtonəqliyyat vasitələrinə şamil ediləcək.
“Armenpress”in məlumatına görə, Ermənistan Respublikasının Vergi Məcəlləsinə dəyişiklik edilməsi haqqında qanun layihəsini Ermənistan Respublikasının İqtisadiyyat naziri Gevorq Papoyan Parlamentin iqtisadi məsələlər üzrə daimi komissiyasına təqdim edib.
“İri, kiçik, orta ölçülü avtobuslar, minik avtomobilləri, motosikletlər, elektrik mühərrikli mopedlərin idxalı üçün əlavə dəyər vergisindən indiki azadlığın daha bir il müddətinə uzadılması təklif edilir”, – Papoyan bildirib.
Hal-hazırda yuxarıda qeyd olunan elektrik avtomobilləri 2026-cı il yanvarın 1-dək ƏDV-dən azaddır. Bu güzəşt 2019-cu ildən qüvvədədir.
Hazırda üçüncü ölkələrdən elektriklə işləyən avtomobillərin idxalı üçün rüsumsuz imtiyaz da mövcuddur. Gömrük İttifaqı Komissiyasının qərarına əsasən, Ermənistan 2022-ci ildə 7000 ədəd, 2023, 2024 və 2025-ci illərdə isə müvafiq olaraq 8000 ədəd elektriklə işləyən avtomobillərin tarif kvotası olub və onların idxalı üçün gömrük rüsumu tutulmayıb.
Nazirin sözlərinə görə, ƏDV və gömrük rüsumlarından azad edilməsi nəticəsində Ermənistana elektromobillərin idxalının həcmi artıb.
O cümlədən, 2023-cü ildə idxalın həcmi 2022-ci illə müqayisədə 75 faiz artaraq 9635 ədəd, 2024-cü ildə idxalın həcmi 2023-cü illə müqayisədə 22 faiz artaraq 11793 ədəd təşkil edib.
Dövlət Gəlirləri Komitəsinin verdiyi məlumata görə, bu ilin əvvəlindən noyabrın 19-dək Ermənistan Respublikasına artıq 7 elektrik mühərrikli avtobus, 16 min 381 minik avtomobili və 2479 moped gətirilib.
Əvvəlki illə müqayisədə 2 dəfə çox elektriklə işləyən avtomobillərin idxal ediləcəyi proqnozlaşdırılır. Güzəşt müddətinin daha bir il, 2026-cı il dekabrın 31-dək uzadılması təklif edilir.
İmtiyazın yalnız 2023-cü il dekabrın 31-dən sonra buraxılmış elektrik mühərrikli avtomobillərə, yəni 2024, 2025, 2026-cı illərdə istehsal olunmuş avtomobillərə şamil edilməsi təklif edilir. Komitə qanun layihəsini bəyənib, Parlamentin plenar iclasında müzakirəyə çıxarılacaq.
