Özbəkistanın paytaxtı Daşkənddə keçirilən Xəzəryanı nəqliyyat dəhlizi və rabitə investorları üzrə konfrans çərçivəsində Ermənistanın Nəqliyyat, Rabitə və Əsas Yollar naziri David Xudatyan AB, Mərkəzi Asiya, Qafqaz və Qara dəniz regionu ölkələrinin nəqliyyat nazirlərinin iclasında iştirak etmiş və çıxış etmişdir.
Bu barədə Ermənistanın Nəqliyyat, Rabitə və Əsas Yollar nazirliyi məlumat yayıb.
Nazir vurğulamışdır ki, müasir dünyada nəqliyyat davamlı sosial-iqtisadi inkişafın təminatında mühüm rol oynayır.
Nəqliyyat infrastrukturu investisiyaları gələcəyə investisiyalardır – onlar hərəkətlilikdə, iqtisadi davamlılıqda və uzunmüddətli inkişafdadır.
“Bu baxımdan, son illərdə Ermənistan Respublikasında avtomobil yolları şəbəkəsinin yaxşılaşdırılması istiqamətində genişmiqyaslı işlər görülür
İran İslam Respublikasının sərhədindən Gürcüstan Respublikasının sərhədinə qədər uzanan, layihə uzunluğu 556 km olan “Şimal-Cənub” magistral yolunun tikintisi üzrə investisiya layihəsi həyata keçirilir”- deyə nazir çıxışında qeyd etmişdir.
Xudatyan qeyd etmişdir ki, Ermənistan Respublikasının hökuməti tərəfindən işlənib hazırlanan “Sülh kəsişməsi” layihəsi də Strateji Nəqliyyat-Lojiistika Layihəsidir.
Onun məqsədi regionda nəqliyyat rabitəsinin blokadasızlaşdırılması və inkişaf etdirilməsi, Cənubi Qafqazı Şərq və Qərb, Şimal və Cənub arasında əsas tranzit qovşağına çevirməkdir.
“Nəqliyyat əlaqələrinin blokdan çıxarılması və “Sülh kəsişməsi” layihəsinin tərkib hissələrindən biri olan TRİPP layihəsinin həyata keçirilməsi regionda sülhün, sabitliyin və firavanlığın bərqərar olmasının əsas amillərindən birinə çevriləcək”- deyə nazir bildirmiş və əlavə etmişdir ki, Ermənistan “Xəzəryanı beynəlxalq nəqliyyat marşrutu”nun koordinasiya platformasının sonrakı möhkəmləndirilməsinə dəstəyini bildirir və onun operativ imkanlarının genişləndirilməsini məqsədəuyğun hesab edir.
