Ermənistan müdafiə nazirinin mətbuat katibi Aram Torosyan Silahlı Qüvvələrin ehtiyatda olan polkovnik-leytenantı Naira Gevorgyanın 7-8 dekabr tarixlərində Meğri hərbi hissəsi istiqamətində daxil olma cəhdinin qeydə alındığı və bu cəhdin ER Silahlı Qüvvələri tərəfindən dəf edildiyi barədə verdiyi açıqlamanı təkzib edib.
Naira Gevorgyan həmçinin bildirib ki, guya bir rəis “atəş açmamaq” əmri verib.
ER Müdafiə Nazirliyinin mətbuat katibi bunu təkzib edib.
“Silahlı Qüvvələrdə, yumşaq desək, şərəfsiz xidməti ilə “gözə dəyən” bir şəxsin açıqlaması təkcə dezinformasiya deyil, həm də Ermənistan Respublikasına, onun dövlət qurumlarına və ordusuna qarşı növbəti uğursuz informasiya hücumu cəhdidir.
Media tərəfdaşlarımızı bu cür böhtanları təkrar çap etməkdən çəkinməyə və Ermənistan Respublikası ətrafında hibrid təhdidlər yaratmaq kimi qınanan prosesə qarışmamağa çağırırıq.
Eyni zamanda, inanırıq ki, müvafiq orqanlar da bu bəyanatı araşdıracaq və ona hüquqi qiymət vermək imkanını nəzərdən keçirəcəklər.”
