Ermənistan Respublikasının baş naziri Nikol Paşinyan Avropa Sülh Fondu çərçivəsində Ermənistana 20 milyon avro ayırmaq qərarına Macarıstanın veto qoymasını ləğv etdiyi barədə məlumatı təsdiqləyib.
“Armenpress”in məlumatına görə, bunu baş nazir Nikol Paşinyan hökumətin iclasından sonra jurnalistlərə verdiyi brifinqdə deyib.
Baş nazir vurğulayıb ki, bu məbləğ sülh gündəliyinin təbliğinə töhfə verəcək və onun həyata keçirilməsinə xidmət edəcək.
“Bəli, Ermənistanın xarici işlər naziri mənə bildirdi ki, görünür, macar tərəfdaşlar bu qərarla razılaşıblar və konsensus var. De-yure qərar veriləcək, o, ictimaiyyətə açıqlanacaq. Hazırda məzmun baxımından deyə bilmərəm, amma hər halda bu, sülh ruhunda töhfə verəcək və sərf olunacaq”, – Ermənistanın baş naziri vurğulayıb.
