Konqresin Erməni Qrupunun həmsədrləri Qus Bilirakis və Frank Pallone tərəfindən irəli sürülən ikipartiyalı “ERMƏNİSTAN Təhlükəsizlik Tərəfdaşlığı Aktı” qanun layihəsi ABŞ Konqresinə təqdim edilib.
Qanun layihəsinin məqsədi ABŞ prezidentinin Azərbaycana qarşı 907 saylı qətnamənin məhdudiyyətlərini pozmasını qadağan etməkdir. Qanun layihəsinin məqsədi, Əliyev rejimi Ermənistanla davamlı sülhün bərqərar olmasına yönəlmiş aydın və ölçülə bilən addımlar atana qədər ABŞ prezidentinə Azərbaycana qarşı 907 saylı qətnamənin məhdudiyyətlərini aşmağı qadağan etməkdir.
Bu addımlar arasında konqresmenlər Azərbaycanın 8 avqust 2025-ci ildə Vaşinqtonda Ermənistan və Azərbaycan arasında imzalanmış Birgə Bəyannamə üzrə öhdəliklərinə əməl etməsini, bütün erməni əsir və saxlanılanların dərhal və qeyd-şərtsiz azad edilməsini, Azərbaycan qoşunlarının Ermənistanın suveren ərazisindən tamamilə çıxarılmasını, erməni mədəni və dini irsinin qorunmasının təmin edilməsini və digər məsələləri qeyd ediblər.
Qanun layihəsi həmçinin, Azərbaycanın göstərilən şərtləri yerinə yetirmədiyi halda, ölkənin müdafiə və çəkindirmə qabiliyyətlərini gücləndirmək üçün ABŞ-ın Ermənistana təhlükəsizlik yardımının hərtərəfli nəzərdən keçirilməsini nəzərdə tutur.
Layihədə ABŞ Müdafiə Nazirinin regional inkişaflar və güc balansındakı dəyişikliklər nəzərə alınmaqla, Ermənistanın təhlükəsizlik mühitinə qarşı təhdidlərin miqyası, dinamikası və təbiəti barədə siyasi-strateji qiymətləndirmə ilə Konqresin müdafiə komitələrinə hesabat hazırlayıb təqdim etməsi təklif olunur.
Beynəlxalq təhlükəsizlik əməkdaşlıq proqramları, xarici hərbi maliyyələşdirmə mexanizmləri və beynəlxalq hərbi təhsil və təlim proqramlarının effektivliyi və təsiri daxil olmaqla, ABŞ-ın Ermənistana təhlükəsizlik yardımının tarixi və mövcud alətlərinin qiymətləndirilməsi aparılmalıdır.
Ermənistanın təcili və uzunmüddətli müdafiə ehtiyacları kontekstində, müdafiə aktivləri, xidmətləri və hərbi hazırlıq imkanları baxımından mövcud sistem boşluqlarının təhlili təklif olunur.
Ermənistanın özünümüdafiə qabiliyyətlərini gücləndirmək, çəkindirmə mexanizmlərini inkişaf etdirmək və potensial təcavüzün qarşısını almaq məqsədi ilə Ermənistana təhlükəsizlik yardımını daha da genişləndirmək üçün siyasi və əməliyyat tövsiyələri hazırlamağı tövsiyə edilib.
“ERMƏNİSTAN Təhlükəsizlik Tərəfdaşlığı Aktı”nın həmmüəllifləri arasında konqresmenlər Bred Şerman, Devid Valadao, Kris Smit, Qeyb Amon və başqaları var.
