ER Müdafiə Nazirliyində Müdafiə Nazirliyinin Müdafiə Siyasəti və Beynəlxalq Əməkdaşlıq İdarəsinin rəis müavini Gürcüstan Müdafiə Nazirliyinin Müdafiə İnstitutlarının İnkişafı Məktəbinin rəhbərliyinin nümayəndələrini və həmin qurumun “Müdafiə və Təhlükəsizlik üzrə Strateji İdarələrarası Ali Kurs”unun iştirakçılarını qəbul edib.
Bu barədə məlumatı ER Müdafiə Nazirliyi yayıb.
Qonaqlar Ermənistanın təhlükəsizlik mühiti və ordunun transformasiyasının əsas istiqamətləri ilə tanış olub. Daha sonra müzakirələr sual-cavab formatında davam olunub.
Səfər çərçivəsində Gürcüstan Müdafiə Nazirliyinin Müdafiə İnstitutlarının İnkişafı Məktəbinin tələbələri iki qurum arasında əməkdaşlıq proqramlarını və perspektivlərini müzakirə etmək üçün ER Müdafiə Nazirliyinin Milli Müdafiə Tədqiqat Universitetində də qonaq olublar.
