Ermənistandan Azərbaycana ixrac mümkündür. İqtisadiyyat naziri Gevorq Papoyan dekabrın 28-də jurnalistlərlə söhbətində belə deyib.
“Ninki idxal, həm də ixrac mümkündür, gözləyin, hər şey mümkündür. Biz Gürcüstan dəmir yolundan kifayət qədər rəqabətədavamlı qiymət almışıq, ona görə də çoxlu imkanlar var. Düşünürəm ki, tezliklə Gürcüstan və Azərbaycan tərəfləri növbəti uğurlu sövdələşməni elan edəcəklər və biz bunu təsdiq edəcəyik”, – nazir bildirib.
NEWS.am-ın Ermənistanın Azərbaycana nə təklif edə biləcəyi ilə bağlı sualına Papoyan belə cavab verib: “Malların siyahısı var: alüminium, heyvanlar, meyvə-tərəvəz, bəzi növ içkilər, müxtəlif növ toxuculuq məhsulları, yəni iş gedir, hazırda bu müzakirələrdədir”.
