Qazaxıstan TRACECA-nın (Avropa-Qafqaz-Asiya Nəqliyyat Dəhlizi) Rusiyanı yan keçən nəqliyyat marşrutu və vahid tranzit icazəsi haqqında sazişi imzalamaq hazırlığındadır. Bu barədə KazTAG agentliyi məlumat yayıb.
Hökumətin qərar layihəsinin təsvirində deyilir:
“Bu sazişin müddəaları tərəf dövlətlərin ərazisindən avtomobil nəqliyyatı ilə beynəlxalq tranzit yük daşınmasını vahid tranzit icazəsi tətbiq etməklə tənzimləyir, onun verilməsi və tətbiqi şərtlərini müəyyən edir, həmçinin Vahid Tranzit İcazəsi (VTI) ilə bağlı digər qaydaları müəyyənləşdirir”.
Sənədə görə, saziş beynəlxalq avtomobil daşımalarını sadələşdirmək, sürətləndirmək, prosedurların şəffaflığını və rəqəmsallaşmasını artırmaq, həmçinin TRACECA marşrutları üzrə tranzit axınlarını artırmaq üçün vahid tranzit icazə mexanizminin yaradılmasını nəzərdə tutur.
“İlk praktik nəticələr sənədin qüvvəyə mindiyi andan dördüncü bildirişdən 30 gün sonra) gözlənilir. VTI-nin tətbiqi üçün illik dövr 1-i yanvardan növbəti ilin 31-i yanvaradək daşımaların sabit planlaşdırılmasını və proqnozlaşdırılmasını təmin edəcək.
Sazişin müddəalarının həyata keçirilməsi səlahiyyətli orqanlar arasında əlaqələndirmənin yaxşılaşdırılması, sərhədlərdən keçid vaxtının azaldılması və tranzit daşımalar üzərində nəzarətin effektivliyinin artırılmasına səbəb olmalıdır.”
TRACECA nədir?
TRACECA (Avropa-Qafqaz-Asiya Nəqliyyat Dəhlizi) 1993-cü ildə Avropa Birliyi tərəfindən Brüssel konfransında təşəbbüs edilmiş beynəlxalq əməkdaşlıq proqramıdır.
Onun məqsədi “Avropa-Qafqaz-Asiya” nəqliyyat dəhlizinin yaradılması və inkişaf etdirilməsidir.
Proqram 13 ölkəni birləşdirir, o cümlədən:
Qazaxıstan
Ermənistan
Azərbaycan
Gürcüstan
Qırğızıstan
Tacikistan
Özbəkistan
Türkiyə
İran
Məqsəd: Dəmir yolu, avtomobil, dəniz və hava marşrutlarını Qara dəniz, Qafqaz və Xəzər dənizi vasitəsilə modernləşdirmək, yük və sərnişin daşımaları üçün vahid nəqliyyat sənədi tətbiq etmək.
Proqram regionların iqtisadi inteqrasiyasına, ticarətə və investisiyalara dəstək kimi nəzərdə tutulub və ənənəvi marşrutlara (məsələn, Transsib) alternativdir.
TRACECA Hökumətlərarası Komissiya vasitəsilə koordinasiya olunur.
