Daha əvvəl Dünya Bankının “Doing Business” (İşgüzar Mühit) reytinqi investorlar üçün qlobal standart hesab olunurdu. Lakin 2021-ci ilin sentyabrında bu layihə dayandırıldı, çünki məlumatlarda uyğunsuzluqlar aşkar edilmişdi.
Məlum oldu ki, bəzi ölkələrin qiymətləndirilməsi hökumətlərin təzyiqi altında təhrif edilmişdir. Reytinqin etibarlılığı zədələndi və ekspertlər onun metodoloji çatışmazlıqlarını da qeyd etdilər.
Buna cavab olaraq, Dünya Bankı “Business Ready” (B-READY) adlı yeni bir alət hazırladı. Bu, “Doing Business” reytinqinin əvəzinə təqdim edilmiş və ölkələrin biznes mühitini daha obyektiv və balanslı qiymətləndirmək üçün nəzərdə tutulub.
