Son bir ayda Suriyada baş verən hadisələr nəticəsində belə bir mənzərə yaranıb ki, kürd qüvvələrinin əgər ümumi müdafiə xətti və müəyyən ərazilərdə muxtariyyəti varsa, bunlar zəncirvari şəkildə dağıdılır və bütünlüklə itirilir.
Bu haqda jurnalistə müsahibəsində Şərqşünas Hayk Koçaryan qeyd edib.
“Burada aydın görünür ki, ABŞ tərəfindən göstərilən siyasi və hərbi dəstək artıq mövcud deyil. Əlbəttə, kürdlər öz qüvvələri daxilində müqavimət göstərməyə çalışırlar, lakin Yaxın Şərqin yeni təhlükəsizlik arxitekturası kontekstində kürd muxtariyyəti və ya kürd dövləti hazırda gündəmdən çıxarılıb.
Kürdlər bu gün çox ağır vəziyyətdədirlər. Bu, elə bir şeydir ki, əgər muxtariyyət məsələsi gündəmdən tamamilə silinməsə belə, ən azı uzun müddətə təxirə salınır. Yəni, bunun üçün artıq əlverişli şərait yoxdur”-deyə Koçaryan bildirib:
Koçaryan qeyd edib ki, ABŞ regionun işlərinə xırda məsələlərlə qarışmaq istəmir və əsas oyunçulara (Türkiyə kimi) “kart-blank” mövqeyi verib.
O deyib:
“ABŞ üçün vacibdir ki, regionun infrastrukturu işləsin və bu, birləşmiş Suriyada daha mümkündür, parçalanmış Suriyada yox.
Avropa Birliyi da Dəməşqin mərkəzi hakimiyyətini gücləndirmək siyasətini dəstəkləyir və maliyyə yardımı göstərir. Buna görə də, əgər əvvəllər kürdlərin uğur qazanmaq şansı varsa, indi onlar üçün heç bir əlverişli beynəlxalq siyasi şərait yoxdur. İstisna ola bilər yalnız İsrail, lakin o da hazırda səs-soraqsızdır, çünki öz regional hesablamalarını aparır və ABŞ ilə razılaşdırmadığı məsələlərdə ona mane olmaq istəmir”.
Koçaryan qeyd edib ki, vəziyyətin dəyişməsi kürd daxili qruplaşmalarına da təsir edib:
“Kürdlərə kömək edə biləcək amillər hazırda yoxdur. Kürd faktoru çox zəifləyib. Bu gün kürd qüvvələri Suriya rəhbərliyi ilə görüşlər keçirir.
Lakin artıq tələb qoyan mövqedə danışa bilmirlər, çünki vəziyyət köklü şəkildə dəyişib. Əslində, kürdlərin nəzarətində olan iki ərazi parçası bir-birindən ayrılıb və bütün bu ərazilər Dəməşqin nəzarətinə keçib”.
“Suriyada kürd məsələsinin həlli Türkiyənin Yaxın Şərqdə və ya bizim regionda daha da güclənməsinə səbəb olarmı?” – sualına Koçaryan cavabbelə verib:
“Türkiyənin bu məsələdə mövqeyi heç vaxt zəif olmayıb. Suriyada kürd faktorunun zəifləməsi və neytrallaşdırılması təbii ki, Türkiyənin mövqeyini daha da möhkəmləndirir”.
