Ankara, 1 fevraldan etibarən, Ermənistanla sərhədi üçüncü ölkələrin vətəndaşları və diplomatik pasportu olanlar üçün aça bilər. Factor TV-yə məlum olan bu məlumatı rəsmi Yerevan açıq şəkildə inkar etmir.
Xarici İşlər nazirliyindən bildiriblər ki, inkişaflar haqqında lazımi məlumat təqdim olunacaq.
Erməni-türk normallaşma prosesində erməni tərəfinin səlahiyyətli nümayəndəsi Ruben Rubinyan da bu məsələ ilə bağlı az danışır..
Sərhədin qismən açılması ilə bağlı məlumatları nə açıq şəkildə inkar edir, nə də təsdiqləyir: “Yalnız bunu deyəcəm ki, türk tərəfi “Alican” keçid nöqtəsini bərpa edir”
Diplomatik münasibətləri olmayan Ermənistan və Türkiyə hələ 2022-ci il iyulun 1-də bildirmişdilər ki, üçüncü ölkələrin vətəndaşları üçün sərhədi qısa müddətdə açmaq barədə razılıq var.
Dörd il ərzində tərəflər bu qərarın həyata keçirilməsinin niyə gecikdiyi barədə rəsmi aydınlaşdırma verməyiblər, baxmayaraq ki, məlumdur ki, Ankara Yerevanla münasibətləri daim erməni-azərbaycan normalaşması ilə əlaqələndirib.
Erməni-türk sərhədi 1993-cü ildən, Ankara’nın təşəbbüsü ilə bağlıdır. Mürəkkəb münasibətlər bir sıra amillərlə şərtlənib: Türkiyə Qarabağ məsələsində Azərbaycanı dəstəkləyirdi və Erməni Soyqırımının beynəlxalq səviyyədə tanınması kampaniyasına kəskin reaksiya verirdi.
Qarabağ müharibəsindən sonra Ermənistanın Baş naziri Nikol Paşinyan bildirib ki, Erməni Soyqırımının tanınması prosesi Yerevanın xarici siyasət önəmliklərində deyil, son dövrdə də dövri olaraq təkrar edir ki, Qarabağ hərəkatının davamına yol verməyəcək.
44 günlük müharibədən sonra, 2021-ci il dekabrında, tərəflər münasibətlərin normallaşması üzrə konkret addımlar atmağa hazır olduqlarını bildirdilər və hər ikisi xüsusi nümayəndə təyin etdilər.
Ankara, Vaşinqtondakı Türkiyənin keçmiş səfiri Serdar Kılıcı, Ermənistan isə Parlamentin sədrinin müavini Ruben Rubinyanı.
Türkşünas Nelli Minasyanın fikrincə, 2022-ci ildən bəri sərhədin açılması razılaşması həyata keçirilməyib, çünki Türkiyə real addımlar atmaq istəməyib.
Onun sözlərinə görə, son inkişaflar, o cümlədən TRIPP (Trans-Araz Regional İnfrastruktur və Əlaqələndirmə Proqramı?) ilə bağlı olanlar, Ankaranın mövqeyinə təsir göstərib.
Minasyan hesab edir ki, Türkiyənin qərarına erməni-azərbaycan prosesləri də təsir edib.
Bir neçə gün əvvəl Türkiyənin Anadolu informasiya agentliyi bildirib ki, Ermənistanla sərhəddə yerləşən “Alican” keçid nöqtəsindəki işlər 90 faiz başa çatıb.
Sərhədin bu hissəsinin erməni tərəfində isə 2023-cü ildən istifadəyə hazır olan “Markara” keçid nöqtəsi var.
Mətn factor.am-ə məxsusdur.
