ABŞ-da ER səfiri Mormon Kilsəsinin rəhbərliyi ilə görüşüb

ABŞ-da Ermənistan Respublikasının  səfiri Narek Mkrtçyan,  Hisus  Kristosun  Songünlərdə Müqəddəsləri Kilsəsinin (Mormon Kilsəsi) Ali rəhbərliyinin üzvləri –Birinci  sədrlik üzrə rəhbər Dallin H. Oaks, birinci məsləhətçi Henri B. Eyring və ikinci məsləhətçi D. Todd Kristofferson ilə görüş keçirib.

 Görüş zamanı səfir, Kilsənin 1988 Spitak zəlzələsindən etibarən Ermənistanda həyata keçirdiyi uzunmüddətli humanitar fəaliyyətini vurğulayaraq, davamlı dəstəyə görə minnətdarlıq bildirib.

Kilsə nümayəndələrinin 9 yanvar tarixində Vaşinqton Milli Kafedralında keçirilən Milad tədbirində iştirakı da yüksək qiymətləndirilib.

Səfir qeyd edib ki, bir sıra digər dini təşkilatlar kimi, Mormon Kilsəsi də Ermənistanda sərbəst fəaliyyət göstərir, çünki dini azadlıq ölkədə demokratiyanın əsas tərkib hissəsidir.

Görüşdə dini azadlıqlar, dinlərarası dialoq və ortaq dəyərlər əsasında əməkdaşlıq məsələləri müzakirə olunub.