Ermənistan–Türkiyə sərhədindəki “Markara” keçid məntəqəsi texniki cəhətdən tam təmin olunub və sərnişinlərin və yükün xidmətinə lazım olan bütün avadanlıqlarla təchiz edilib.
Alınan məlumata görə, bu barədə Ermənistan Dövlət Gəlirlər Komitəsinin sədr müavini Rafael Gevorgyan “Markara” keçid məntəqəsində səfəri zamanı açıqlama verib.
Dövlət Gəlirlər Komitəsinin dövlət sərhədinin quru keçid məntəqələrində gömrük xidmətləri və nəzarət idarəsinin rəhbəri Aram Petrosyanın sözlərinə görə, “Markara” keçid məntəqəsi tam istifadəyə hazırdır.
O, əlavə edib:
“Sərnişinlərin baqajlarının fiziki yoxlanışı üçün lazım olan rentgen avadanlıqları, elektron tərəzilər, fiziki şəxslərin yoxlanışı üçün rentgen avadanlıqları, həmçinin nəqliyyat vasitələrinin müvafiq nəzarətini təmin edən avadanlıqlar mövcuddur”.
