Fevralın 4-də Abu-Dabidə Ermənistan Respublikasının xarici işlər naziri Ararat Mirzoyan Birləşmiş Ərəb Əmirliklərinin Baş nazirinin müavini, Xarici işlər naziri şeyx Abdullah bin Zayed Al Nəhyan ilə görüşüb.
Tərəflər Ermənistan və BƏƏ arasında əməkdaşlığın inkişafı məsələlərini müzakirə ediblər.
Siyasi fəal dialoqla yanaşı, bir sıra sahələrdə əməkdaşlığın genişləndirilməsinə qarşılıqlı hazırlıq vurğulanıb. Bu çərçivədə nazirlər ticarət-iqtisadi və biznes əlaqələrinin, investisiya proqramlarının təşviqi imkanlarını müzakirə ediblər.
Qeyd olunub ki, son illərdə birbaşa uçuşların sayının artması və turizm həcmlərinin yüksəlməsi bu prosesə müsbət təsir göstərə bilər.
Ararat Mirzoyan və Abdullah bin Zayed Al Nəhyan regional məsələlər ətrafında fikir mübadiləsi aparıblar. Mirzoyan Ermənistan və Azərbaycan arasında mövcud olan sülhün və onun davamlı möhkəmləndirilməsinə yönəlmiş təşəbbüslərin vacibliyini vurğulayıb.
O, həmçinin mövcud sülhün rəmzi kimi “Zayed” insan qardaşlığı mükafatı təşəbbüsünü yüksək qiymətləndirib.
Görüşdə regional əlaqəlilik, infrastruktur şəbəkələrinin genişləndirilməsi imkanları da müzakirə olunub, humanitar məsələlərə toxunulub.
.
