Son illərdə sərhəd mühafizəsinin imkanlarını artırmaq üçün əhəmiyyətli iş görülüb, möhkəmləndirilmiş rayonlar tikilib, genişmiqyaslı mühəndis işləri görülüb.
Bunun barədə Ermənistanın Müdafiə naziri Suren Papikyannın “Facebook” səhifəsində yerləşdirilmiş videohesabatında qeyd olunur.
“Tərəfdaşlarımızın çəkici qrupu ilə birlikdə sizə görülən işin bir hissəsini təqdim edirik. İndi belə möhkəmləndirilmiş rayonlardan birində, Ermənistanın yüksək dağlıq hissələrindən birindəyik.
Xüsusilə, həmin yüksək dağlıq rayonun yeraltı hissəsindəyik ki, bu da üstü həm də torpaq qatı ilə örtülmüş, qapalı dəmir-beton sistemdir.
Silahsız gözlə onu müşahidə etmək mümkün deyil, baxmayaraq ki, möhkəmləndirilmiş rayon haqqında ipucu verən bəzi əlamətlər var, amma onun ümumi daxili şəbəkəsi təbii ki, heç kəsə görünmür” – deyə Müdafiə naziri bildirib.
O, əlavə edib ki, möhkəmləndirilmiş rayonun xəndək-yolları var ki, onların vasitəsilə döyüş xəndəkləri bir-birinə birləşir və onlar da öz növbəsində həm cəbhə xəttinin, həm də arxa cəbhənin təminatı üçün nəzərdə tutulub.
“Məkanından asılı olaraq, möhkəmləndirilmiş rayonlar dairəvi müdafiə imkanına malikdirlər. Onlar pilotsuz uçan aparatlardan qorunur və quruluşları ilə kifayət qədər möhkəmdirlər.
Onlar potensial döyüş zamanı əsgərlərimizin yaşayış qabiliyyətini təmin edə və ölkəmizin sərhədlərinin müdafiəsini daha sərfəli mövqelərdən həyata keçirməyə imkan verə bilərlər” – deyə Papikyan qeyd edib.
O, bildirib ki, Ermənistanın dövlət sərhədinin bütün uzunluğu boyunca belə istehkam qurğuları olmalıdır ki, onlar ölkəmizin ərazi bütövlüyünü və sərhədlərinin toxunulmazlığını təmin etsinlər.
Papikyanın məlumatına görə, son illərdə onların sayı bir neçə onluğa çatıb.
“Bu, silahlı qüvvələr və mühəndis düşüncəmiz üçün çox əhəmiyyətli nailiyyətdir, çünki bu, ilk növbədə, əsgərlərimizin müdafiəsi üçündür və eyni zamanda onlara psixoloji cəhətdən böyük üstünlük verir.
Əgər bunu da nəzərə alsaq ki, bu, mahiyyət etibarilə sərhəddə yerləşən möhkəmləndirilmiş rayon, dayaq məntəqəsi, mövqedirsə, onda bu, əvvəlki məntiqimizdən həm imkanları, həm quruluşu və strukturu, həm də təbii ki, möhkəmliyi ilə əsaslı fərqlənir” – deyə Ermənistanın Müdafiə naziri qeyd edib..
Papikyannın mülahizəsinə görə, indi sülh dövründə olduğumuz üçün möhkəmləndirilmiş rayonun nə olduğunu və nə üçün nəzərdə tutulduğunu işıqlandırmaq çox vacibdir.
“O, müxtəlif atıcı silahlardan müdafiə olunmaq üçün nəzərdə tutulub, amma eyni zamanda burada həm də silah və hərbi texnikanın başqa nümunələri ola bilər” – deyə Müdafiə naziri yekunlaşdırıb.
