X-də 100 min baxış toplayan saxta videoda iddia edilir ki, Ermənistanın parlament seçkiləri ərəfəsində “Vətəndaş Müqaviləsi” partiyasının üzvlərinin 70%-i Fransa vətəndaşlığı alıb.
Factor TV araşdırıb ki, videonu paylaşan hesabda 13 ildir heç bir yeniləmə edilməyib və bu hesabın nə Ermənistanla, nə də Fransayla heç bir əlaqəsi yoxdur.
X də bu şübhəli fəaliyyəti qeydə alıb və hesaba baxarkən istifadəçilərə şübhəli fəaliyyət barədə xəbərdarlıq göstərilir.
Ehtimal edilir ki, hesab dezinformasiya yaymaq məqsədi ilə ələ keçirilib. Bu tək postdan başqa, hesabda heç bir yeni fəaliyyət qeydə alınmayıb. Paylaşılan video Fransa mətbuat orqanı olan
“Le Point”in nəşri kimi təqdim olunur və videoda alman siyasətşünas Matthias Küntzel-in bu mövzuda “şərhi” də yer alır.
Lakin siyasətşünasın Ermənistana dair heç bir şərhi yoxdur və “Le Point”in rəsmi saytında və səhifələrində belə bir video tapılmır. Digər mənbələrdə də bu video və ya onun təqdim etdiyi məlumatlar tapıla bilməyib.
Mənbə factor.am.
