Ermənistan heç vaxt qarşısına Rusiya ilə münasibətləri pisləşdirmək və ya Rusiyanın maraqlarına zərər vurmaq məqsədi qoymayıb və qoymayacaq. Ermənistanın yanaşması həmişə eynidir: o da yalnız Ermənistan Respublikasının dövlət maraqlarını rəhbər tutmaqdır.
Alınan məlumata görə, jurnalistlərə verdiyi qısa açıqlamada bunu Ermənistanın Baş naziri Nikol Paşinyan deyib. O, gündəlikdə rus hərbi bazasının çıxarılması məsələsi olmadığı halda, Ermənistanın AB-nə necə qoşulacağı sualına cavab verib.
Jurnalist vurğulayıb ki, Nikol Paşinyan dəfələrlə Ermənistanın qərbə doğru getdiyini bəyan edib.
“Mən heç vaxt “Qərbə doğru gedirik dediyimi xatırlamıram. Adətən, mən deyirəm ki, biz heç yerə getmirik… Bəli, Ermənistan Ermənistanın Avropa İttifaqına üzvlük prosesinə başlaması haqqında qanun qəbul edib və mən bu məsələyə Aİİ ilə bağlı da münasibət bildirmişəm.
Biz, xoşbəxtlikdən, ya da bədbəxtlikdən, hələ rus hərbi bazasının baxışımızı bağladığı nöqtədə deyilik. Rus hərbi bazasının baxışımızı bağladığını görəndə, onda baxış problemi yaşamamaq üçün necə hərəkət edəcəyimizi düşünəcəyik” – deyərək Baş nazir vurğulayıb.
