Ermənistanın xahişi ilə AB parlament seçkilərindən əvvəl xarici təhdidlərə qarşı mübarizə aparmaq üçün ölkəyə Hibrid Sürətli Reaksiya Qrupu göndərəcək. Bu barədə Brüsseldə keçirilən mətbuat konfransında AB-nin Xarici İşlər və Təhlükəsizlik Siyasəti üzrə Ali Nümayəndəsi, Avropa Komissiyasının vitse-prezidenti Kaia Kallas məlumat verib.
“Qonşuluğumuzda demokratik dayanıqlığa dəstək vacib olaraq qalır. Xarici müdaxiləyə qarşı mübarizə aparmaq üçün Ermənistanı tək qoymayacağıq. Təzyiq altında olan demokratiyalar Avropaya güvənə bilər”, – Kallas deyib.
Əvvəllər bildirilirdi ki, Avropa Birliyi iyun ayına planlaşdırılan parlament seçkilərində Rusiyanın müdaxiləsinə qarşı Ermənistana kömək etməyə hazırlaşır, əvvəlcə Kremlin dezinformasiyasına qarşı mübarizə aparmaq üçün “Hibrid Sürətli Reaksiya Qrupu” və daha sonra, ehtimal ki, daimi mülki missiya yerləşdirəcək.
