2026-cı ildən etibarən Ermənistan-Türkiyə sərhədindəki “Axurik” keçid məntəqəsində yalnız ER MTX sərhəd qoşunlarının hərbçiləri xidmət edəcək.
“Armenpress”-in məlumatına görə, bu barədə jurnalistlərlə keçirilən brifinqdə Milli Təhlükəsizlik Xidmətinin direktoru Andranik Simonyan bildirib. Brifinq zamanı bir jurnalistin Rusiya sərhədçilərinin “Axurik” keçid məntəqəsində xidmət etməyə davam edib-etməyəcəyi ilə bağlı sualına Simonyan belə cavab verib: “2026-cı ilin əvvəlindən etibarən “Axurik” keçid məntəqəsində yalnız MTX sərhəd qoşunlarının hərbçiləri xidmət edəcək”.
Bir jurnalistin “Bu, keçid məntəqəsində ümumiyyətlə Rusiya sərhədçilərinin olmaması deməkdirmi” sualına MTX direktoru belə cavab verib: “Keçid məntəqəsində yox”.
Əvvəllər Rusiya sərhədçiləri də ER sərhədçiləri ilə birlikdə “Axurik” keçid məntəqəsində xidmət edirdilər.
