Paruyr Hovhannisyan BMT-də pandemiyalarla bağlı hökumətlərarası danışıqların əlaqələndiricisi təyin edilib.

BMT-də Ermənistanın daimi nümayəndəsi, səfir Paruyr Hovhannisyan BMT Baş Assambleyasının sədri tərəfindən Pandemiyanın qarşısının alınması, hazırlıq və cavab tədbirləri ilə bağlı siyasi bəyannamə üzrə hökumətlərarası danışıqlar prosesinin əlaqələndiricisi təyin olunub.

 Bu barədə BMT-də ER-nın daimi nümayəndəliyindən məlumat verilib.

Ermənistan məlumatlılığın artırılmasına və dayanıqlığın gücləndirilməsinə yönəlmiş beynəlxalq səyləri daim dəstəkləyib və səhiyyə sahəsində məqsədlərə nail olmaq üçün fəal beynəlxalq əməkdaşlığın tərəfdarı olub.

Vurğulanıb ki, pandemiyalar vaxtında və davamlı liderlik, qlobal həmrəylik və çoxtərəfli öhdəlik tələb edir. Ermənistan bu mühüm prosesə töhfə verməyə hazırdır və bütün maraqlı tərəfdaşlarla sıx əməkdaşlıq edərək, qlobal öhdəliyi gücləndirəcək və gələcək pandemiyaların qarşısının alınması və onlara cavab verilməsi üçün daha yaxşı hazırlanmış dünya qurmağa kömək edəcək mühüm nəticənin əldə olunmasına çalışacaq.