Ermənistan və Azərbaycan Rusiya vətəndaşlarının İrandan təxliyəsində əhəmiyyətli kömək göstəriblər. “Armenpress”in məlumatına görə, bunu Rusiya Xarici İşlər Nazirliyinin Konsulluq Departamentinin direktoru Aleksey Klimov TASS-a verdiyi müsahibədə bildirib.
“Ermənistan və Azərbaycan İrandan soydaşlarımızın təxliyəsində əhəmiyyətli kömək göstəriblər. Beləliklə, Tehrandakı Rusiya səfirliyinin ilkin tələbi ilə Bakı rusların 2020-ci ildən bəri fərdi keçid üçün bağlanmış Astara sərhəd keçid məntəqəsindən istifadə etməsinə icazə verib”, – deyə diplomat qeyd edib.
