“2025-ci il üçün yekun rəqəmlərimiz yoxdur, lakin 2024-cü ildə Avropa İttifaqının dəstəyi ilə Ermənistanda 20 000-dən çox iş yeri təmin edilib. Bu, böyük rəqəmdir”.
Bu barədə AB-Ermənistan Vətəndaş Cəmiyyəti Platformasının 8-ci iclasında AB-nin Ermənistandakı nümayəndəliyinin rəhbəri Vasilis Maraqos bildirib.
O, əlavə edib ki, ayrı-ayrı fərdi şirkətlərlə işləyərək onlara standartlarını təkmilləşdirməyə və Avropa bazarına daxil olmağa kömək edirlər.
“Yalnız ötən il biz Ermənistandakı kommersiya bankları vasitəsilə erməni müəssisələrinə təqdim edilməli olan 200 milyon avrodan çox dəstək sənədi imzalamışıq.
Onu da qeyd etmək istəyirəm ki, əməkdaşlıq etdiyimiz özəl şirkətlərə texniki dəstək göstərmişik və onlar bir il ərzində ixrac həcmlərini 7 faizdən çox artırıblar” — deyə AB nümayəndəliyinin rəhbəri vurğulayıb.
Onun sözlərinə görə, Ermənistan-AB əməkdaşlığının erməni məhsulları baxımından böyük potensialı və imkanları var:
“Biz əlaqələndirmə haqqında danışarkən, yalnız infrastrukturdan, yalnız ümid etdiyimiz sülh və normallaşmanın yeni kontekstində olacaq yeni sərhəd keçid məntəqələrindən danışmamalıyıq.
Biz həm də insanlar arasındakı əlaqələrdən, qarşılıqlı bağlılıqdan danışmalıyıq. Bu mənada, biz Avropa İttifaqının vətəndaş cəmiyyətini Ermənistanın vətəndaş cəmiyyəti ilə, AB-nin özəl sektorunu isə Ermənistanın özəl sektoru ilə əlaqələndirməliyik” — deyə Maraqos bildirib.
