Avropa Birliyi ilə Ermənistan arasında münasibətlər heç vaxt bu qədər sıx olmayıb və baş vermiş və yaxın gələcəkdə baş verəcək bütün dəyişikliklər buna sübutdur. Bu barədə mayın 5-də ”Yerevan Dialoqu-2026” beynəlxalq konfransında Avropa Komissiyasının Qonşuluq və Genişlənmə Danışıqları üzrə Baş Direktorluğunun Şərq Qonşuluğu və Türkiyə məsələləri üzrə direktoru Adrián Kirali bildirib.
O, iqtisadiyyat, enerji və nəqliyyat sahələri daxil olmaqla çoxsaylı layihələrin həyata keçirildiyini qeyd edib.
“Ermənistanın AB-də təhlükəsizlik sahəsində də mühüm tərəfdaşları var. Bütün bunlar Ermənistanın dayanıqlığının artırılmasına yönəlib.
Bu səylərə yönəlmiş bir sıra layihələr həyata keçirilir. Biz vizaların liberallaşdırılması, Qarabağ ermənilərinə dəstək, ticarət və enerji sahələrinin şaxələndirilməsi haqqında danışa bilərik – nəzərə alsaq ki, Ermənistan bərpa olunan enerji sahəsində böyük inkişaf potensialına malikdir” – deyə Kirali əlavə edib.
O, Avropa Birliyinin həmçinin Ermənistanın “ Sülh kəsişməsi” layihəsinə dəstək göstərməyə çalışdığını qeyd edib.
