AB Ermənistanı investisiyalar üçün cəlbedici ölkəyə çevirmək istəyir. Bu barədə Ermənistan–AB ilk sammitinin nəticələrinə həsr olunmuş mətbuat konfransında Avropa Komissiyasının prezidenti Ursula fon der Lyayen “Armenpress”in sualını cavablandırarkən bildirib.
Sual AB-nin, həmçinin Cənubi Qafqazda kommunikasiyaların açılmasından sonra yaranacaq imkanları nəzərə alaraq, hansı istiqamətlərdə Ermənistana dəstək verməyə hazır olduğu ilə bağlı olub.
“Biz Ermənistanı investisiyalar üçün cəlbedici ölkəyə çevirmək istəyirik. Sizin istedadınız var, insan resurslarınız var, mühüm resurslara maliksiniz. Sizə lazım olan investisiyalar və infrastrukturdur.
Bu qismən AB tərəfindən birbaşa təmin olunur, eyni zamanda AB-nin investisiya və risklərin azaldılması mexanizmləri sayəsində biznes sektoru üçün Ermənistanda sərmayə qoymaq imkanları yaradılır. Siz indicə aparıcı fondlar və şirkətlərə təqdim olunan 6 niyyət məktubunun imzalanmasının şahidi oldunuz.
Onlar artıq əmindirlər ki, burası investisiya üçün doğru yerdir. AB tərəfindən təmin edilən risklərin azaldılması komponenti biznes üçün çox əlverişli mühit yaradır ki, buraya gəlib maraqlı layihələr həyata keçirsinlər” — deyə fon der Lyayen qeyd edib.
Yerevanda keçirilən Ermənistan–AB sammiti zamanı Avropa İttifaqı ölkədə investisiyaların təşviqi məqsədilə aparıcı erməni şirkətlərinə və fondlarına altı niyyət məktubu təqdim edib.
