Ermənistanın Yüksək Texnologiyalı Sənaye naziri Mxitar Hayrapetyan milyonlarla dollara çatan erməni istehsalı silahların Ermənistandan ixracı barədə bəyanatına toxunaraq bildirib ki, hələlik şirkətlərin adlarını, ümumi dəyərini və ixrac edən ölkələri açıqlamayacaq, çünki belə məlumatları dərc etmək üçün tərəflər arasında hələ yekun razılıq yoxdur.
Alınan məlumata görə, jurnalistlərlə görüşdə nazir qeyd edib ki, bu hadisə dövlətimiz üçün misli görünməmiş olub, çünki ilk dəfə Ermənistanda istehsal olunan hərbi məhsul ixrac edilib.
“Bu, uzun bir yolun başlanğıcıdır, çünki gələcəkdə yeni müqavilələr də olacaq. Hal-hazırda daha çox şirkət artıq Ermənistan hökuməti tərəfindən daha çox sayda ölkəyə ixrac etmək icazəsinə malikdir və ya ən azı bu proses mərhələsindədir” – deyə o, bildirib.
Ermənistanın Yüksək Texnologiyalı Sənaye naziri Mxitar Hayrapetyan mayın 19-da bəyan etmişdi ki, ilk dəfə Ermənistandan milyonlarla dollara çatan erməni istehsalı silah ixrac edilib. Nazir qeyd etmişdi ki, silahı üç erməni şirkəti ixrac edib, idxal edən ölkələr isə iki olub.
Nazir o zaman da erməni şirkətlərinin və idxal edən ölkələrin adlarını açıqlamamışdı.
