Yerevanda dünyanın nüfuzlu “Concours Mondial de Bruxelles” şərab dequstasiyası müsabiqəsi başa çatdı

Mayın 19-dan 23-dək Ermənistanda ilk dəfə olaraq dünyanın nüfuzlu “Concours Mondial de Bruxelles” (Brüssel Dünya Müsabiqəsi) şərab dequstasiyası müsabiqəsi keçirilib.

Tədbir çərçivəsində Ermənistana şərabçılıq sahəsi üzrə 400-ə yaxın beynəlxalq ekspert, jurnalist, somelye və digər sahə nümayəndələri təşrif buyurub.

 Bu barədə İqtisadiyyat nazirliyi məlumat yayıb.

Mayın 20-də Qarni məbədində qonaqların qəbulu baş tutub və tədbirdə Ermənistan Respublikasının iqtisadiyyat naziri Gevorq Papoyan açılış nitqi ilə çıxış edib.

Mayın 21-də isə İrəvanda nazir Papoyanın iştirakı ilə müsabiqənin rəsmi açılış mərasimi keçirilib.

Müsabiqə müddətində beynəlxalq şərab ekspertləri 65-ə yaxın ölkədən təqribən 8000 şərab növünü, o cümlədən 130-a yaxın erməni şərabını dadıblar.

Müsabiqənin yekun günündə növbəti ev sahibi ölkənin Portuqaliya olacağı elan edilib.

Xatırladaq ki, Ermənistan regionda bu miqyasda qlobal şərab dequstasiyası müsabiqəsinə ev sahibliyi edən ilk ölkədir.