Kars–Axalkalaki dəmir yolu çoxdan fəaliyyət göstərirdi. Yerevanda şərh edirlər ki, erməni tərəfinin son bəyanatı erməni iqtisadçıların bu imkandan hansı formada istifadə edə biləcəyi barədədir.
Hökumət dəmir yolunun digər istiqaməti olan Gümrü–Axalkalaki–Akyaka–Sədərək qovşağı haqqında da bəyanat verib.
Qeyd olunur ki, Sədərək qovşağını Ermənistan hökuməti bərpa edəcək. Nə qədər pul tələb olunacaq, hansı müddətdə – hazırda konkret rəqəmlər yoxdur.
Yalnız məlumdur ki, hələ bu ilin fevralında Ərazi İdarəetmə və İnfrastrukturlar nazirliyi bəyanat yaymışdı ki, rus tərəfi ilə Gümrü–Axalkalaki –Türkiyə sərhədi və Sədərək–Naxicevan dəmir yolu infrastrukturlarının bərpası və tikintisi ilə bağlı məsələlər müzakirə edilib.
Ermənistan idxal və ixrac imkanlarını və infrastrukturlarını diversifikasiya etməyə çalışır, – “Radiolur”a (ATİU) Ermənistan Dövlət İqtisad Universiteti fənlərarası mərkəzinin rəhbəri Sos Xaçikyan bildirib.
O, rəsmi Yerevanın Kars–Axalkalaki dəmir yolu, eləcə də Azərbaycan dəmir yolunun Gürcüstan ərazisindən keçən hissəsinin erməni yükdaşımaları üçün artıq açıq olması barədə bəyanatına toxunur.
“Ermənistan üçün bu dəmir yolunun açılmasından bir neçə gün əvvəl Ermənistan və Türkiyə arasında qarşılıqlı ticarətlə bağlı saziş imzalandı.
Ermənistandan ixrac olunan mallar üçün “Ermənistanda istehsal olunub” və ya “Mənşə ölkəsi: Ermənistan” işarəsi artıq tətbiq oluna bilər.
Əvvəllər məhdudiyyətlər var idi və türk mallarının Ermənistanda və ya Ermənistan mallarının Türkiyədə vasitəçi formulaları olurdu”- deyə iqtisadçı xatırladır:
Rəsmi Yerevanda vurğulayırlar ki, bundan sonra Gürcüstan və Türkiyə ərazisindən dəmir yolu əlaqəsi Suriya, AB ölkələri ilə fəaliyyət göstərəcək.
Araşdırmalar aparılır, təfərrüatlar tikinti mərhələsinə keçərkən elan ediləcək.
İqtisadiyyat nazirliyi daha əvvəl iş adamlarına məlumat vermişdi ki, 2026-cı il mayın 11-dən Ermənistan və Türkiyə arasında birbaşa ticarətin başlanmasına icazə verilib.
Hər iki ölkə indi birbaşa mal dövriyyəsi həyata keçirə bilər ki, bu da xərclərin və tədarük müddətlərinin əhəmiyyətli dərəcədə azalmasına, yeni bazarlar və əməkdaşlıq imkanlarının genişlənməsinə töhfə verəcək.
Ermənistan XİN-in mətbuat katibi Türkiyə tərəfindən Ermənistanla ikitərəfli ticarət qadağasının aradan qaldırılmasına toxunub.
Sitat: “Ermənistanla ikitərəfli ticarət həyata keçirmək üçün qadağaları aradan qaldırmaq barədə Türkiyənin qərarını alqışlayırıq ki, bu da Ermənistan və Türkiyə münasibətlərinin tənzimlənməsi prosesinin növbəti nəticəsidir.
Bu qərar hər iki ölkə arasında ticarətin və işgüzar əlaqələrin genişləndirilməsi, regionda iqtisadi əlaqələrin təşviqi və sülhün rifahın təmin edilməsi baxımından əhəmiyyətlidir.
Qeyd edək ki, bu, iki ölkə arasında tam və normal münasibətlərin inkişafı istiqamətində mühüm addımdır və bu, Ermənistan-Türkiyə sərhədinin açılması və diplomatik münasibətlərin qurulması yolu ilə öz məntiqi davamını tapa bilər”.
Ermənistanın Prezidenti Vahaqn Xaçaturyan da bu məsələyə toxunmuşdu. O, xüsusilə demişdi:
“Gəlin qəbul edək ki, əlaqələndirmə nəqliyyat yollarının yenidən açılması, sərbəst ticarətin təmin edilməsi, müxtəlif regionları, o cümlədən Avropa və Asiyanı birləşdirən daha geniş iqtisadi şəbəkələrin tətbiqi deməkdir və bu mənada Cənubi Qafqaz cənub-şimal-şərq-qərb kəsişməsində unikal qovşaq ola bilər”.
Rəsmi Yerevanda xatırladırlar ki, Ermənistan bu gün Gürcüstan və Azərbaycan ərazisindən Rusiya, Rusiya və Qazaxıstan ərazisindən isə Çinlə dəmir yolu əlaqəsinə malikdir.
İndi isə bu əlaqə Gürcüstan və Türkiyə ərazisindən Avropa Birliyi ilə də fəaliyyət göstərəcək. Hökumət əmindir ki, qarşıda Ermənistan–Türkiyə, Ermənistan–Azərbaycan, daha sonra Naxçıvan vasitəsilə Ermənistan–İran dəmir yollarının istismara verilməsi dayanır və biz bu hadisələrin TRIPP-in həyata keçirilməsi ilə şahidi olacağıq.
İqtisadçı Sos Xaçikyan bu yolların Ermənistan üçün praktik əhəmiyyətini izah edir:
“Bu, ilk növbədə Ermənistan–Türkiyə münasibətlərinin yaxşılaşmasına doğru bir addım deməkdir. Müəyyən mənada bu, çox vacibdir.
Hələ ki, diplomatik münasibətlər olmasa da, bu çox mühüm addımdır. Bu cür addımlar ilk növbədə, əlbəttə ki, iqtisadi sahədə və sonradan siyasətdə də çox vacibdir”.
Dəmir yolunun daha bir istiqamətinin – Gümrü–Axalkalaki –Akyaka və Sədərək qovşağının istismara verilməsi niyyəti barədə bəyanat verilib.
Ermənistan hökuməti bu qovşağı təmir edəcək. Rusiyanın “Cənubi Qafqaz Dəmir Yolları” ilə konfessiya müqaviləsinə zidd olaraq, Ermənistan hökuməti dəmir yolunun bu hissəsinə investisiya qoyacaq və təmir edəcək. Bunun üçün nə qədər pul və vaxt tələb olunacaq – hazırda konkret rəqəmlər göstərilmir. Yalnız məlumdur ki, hələ bu ilin fevralında TİİE bəyan etmişdi ki, rus tərəfi ilə Gümrü–Axalkalaki –Türkiyə sərhədi və Sədərək–Naxicevan dəmir yolu infrastrukturlarının bərpası və tikintisi məsələləri müzakirə olunur. Rəsmi bəyanatdan başqa təfərrüatlar məlum deyil.
