XİN-dən verilən məlumata görə, Ermənistanın XİN rəhbəri Ararat Mirzoyan və ABŞ Dövlət katibi Marko Rubionun görüşü baş tutub.
Ermənistan-ABŞ strateji tərəfdaşlığının ardıcıl şəkildə həyata keçirilməsinə yönəlmiş addımlar ətraflı şəkildə müzakirə olunub.
Ararat Mirzoyan və Marko Rubio bu ikitərəfli tərəfdaşlığın yeni՝ hərtərəfli tərəfdaşlıq səviyyəsinə qaldırılmasından məmnunluqlarını ifadə ediblər.
Görüşdə həmçinin regional məsələlər ətrafında fikir mübadiləsi aparılıb. Ermənistan və Azərbaycan arasında qurulmuş sülhün möhkəmləndirilməsinə yönəlmiş işlərə və regional qarşılıqlı əlaqələrin təşviqi proqramlarına toxunulub.
Ararat Mirzoyan və Marko Rubio “Beynəlxalq sülh və rifah naminə Trampın yolu” layihəsinin (TRIPP) reallaşdırılmasında maraqlı olduqlarını vurğulayıblar; bu, TRIPP-ə dair dövlətlərarası sazişin qısa müddətdə müzakirə edilməsi və sözügedən səfər çərçivəsində paraflanması vasitəsilə də öz əksini tapıb.
Görüşün yekunlarına əsasən, Ermənistanın xarici işlər naziri Ararat Mirzoyan və ABŞ Dövlət katibi Marko Rubio mətbuat üçün bəyanatlarla çıxış ediblər.
