Ermənistanın İqtisadiyyat nazirliyi Avropa Birliyi və Yaxın Şərq ölkələrinə aqroməhsul ixracının dəstəklənməsi üzrə bir neçə proqram təqdim edib.
Bu barədə jurnalistlərlə söhbətində məzuniyyətdə olan Ermənistanın iqtisadiyyat naziri Gevorq Papoyan bildirib.
Onun sözlərinə görə, söhbət nəqliyyat xərcləri, rüsumlar, həmçinin əqli mülkiyyətlə (IP) bağlı xərclərin kompensasiyasından gedir.
O, bildirib ki, ilin əvvəlindən Ermənistandan AB-nə ixrac iki dəfə artıb, lakin Yerevan daha aqressiv əhval-ruhiyyədədir və ilin sonunadək onu 4-5 dəfə artırmağı hədəfləyir.
Papoyan aydınlaşdırıb ki, AB-nə həm tərəvəz, həm meyvə, həm də emal sənayesi məhsulları ixrac olunur.
“Ermənistandan ixrac olunan meyvə və tərəvəzlər öz standartlarına görə ən yüksək sertifikatlardan birinə – Global G.A.P. Certificate-a malikdir.
Avropa ölkələrinin supermarketlərində satılan məhsullar məhz budur.
Lakin başqa xərclər də var, məsələn, nəqliyyat xərcləri.
Biz dəstək proqramı təqdim etmişik və istehsalçıların Avropa bazarı üçün rəqabətqabiliyyətli qiymət təklif edə bilməsi üçün aqressiv şəkildə subsidiyalaşdıracağıq.
Çiçək ixracı üzrə ilin sonunadək dəstəyin həcmi 5,5 milyon dollar, pomidor və bibər ixracı üzrə isə hər biri 3,5 milyon dollar təşkil edəcək.
İxrac Yunanıstandan Almaniyaya qədər bütün Avropa ölkələrinə yönəldiləcək.
Eyni zamanda, Ermənistan Avropa İttifaqından birbaşa maliyyə dəstəyi almağa ümid edir və onu almalıdır. Avropalı həmkarlar bu məsələni 10 ay ərzində həll edəcəklərini vəd ediblər” – deyə Papoyan vurğulayıb.
O, erməni məhsullarının keyfiyyətinin həm Aİİ, həm də AB-nin ən yüksək standartlarına cavab verdiyinə əminlik bildirib.
Nazir həmçinin təmin edib ki, daxili bazarda pomidor artıqlığı yoxdur, bunu yüksək qiymətlər sübut edir. O, bir kiloqramın qiymətinin 400-500 drama qədər enə biləcəyini istisna etməyib.
