Ermənistandan qızılgüllərin və tərəvəzlərin ilk partiyaları artıq yeni bazarlara göndərilib.
Bu haqda Ermənistanın Baş naziri Nikol Paşinyan Rusiya bazarında qadağan edilmiş erməni məhsullarını ixrac etmək barədə hansı ölkələrlə razılıq əldə olunduğu sualına cavab olaraq bildirib.
Sözün Avropa Birliyindən yoxsa digər bazarlardan getdiyi sualına Paşinyan cavab verib: “Avropa Birliyi və digər”.
Onun sözlərinə görə, artıq bir neçə iş adamı nümayəndə heyəti yeni bazarlarda çalışır. “Bu gün bizim bir neçə iş adamı nümayəndə heyəti artıq işləyir və artıq qızılgüllərin və tərəvəzlərin ilk partiyaları çıxıb, yerinə çatacaq, sonra deyərəm hansı ölkələrə” – deyə Baş nazir qeyd edib.
Paşinyan əmin edib ki, erməni məhsullarının satışı ilə bağlı problem olmayacaq. “Və heç bir məhsul qalmayacaq. Artıq digər istiqamətlərə ixrac olunur” – deyə bildirib.
Daha əvvəl “Rosselxoznadzor” iyunun 2-dən Ermənistandan albalı, gilas, ərik, gavalı, şaftalı, nektarin və üzüm idxalına müvəqqəti məhdudiyyətlər tətbiq etdiyini açıqlamışdı.
Əvvəllər Ermənistandan bir sıra tərəvəz bitkilərinin idxalına da məhdudiyyətlər tətbiq edilmişdi.
Rusiya həmçinin erməni “Cermuk” mineral sularının, çiçəklərin, balıq məhsullarının, bəzi spirtli içkilərin idxalını qadağan edib.
