“Telekom Armenia” və “Azərtelecom” arasında ötən gün imzalanmış müqaviləyə əsasən, erməni şirkəti kommersiya əsasında Naxicevan-Azərbaycan istiqamətlərində tranzit internet təchizatı həyata keçirəcək.
Bu, sırf biznes əməliyyatıdır və milli təhlükəsizliklə bağlı heç bir risk yaratmır.
Əməliyyatla bağlı Ermənistan ictimaiyyətinin narahatlıqlarını aradan qaldıraraq, bu barədə Team Telecom Armenia-nın həmtəsisçisi və direktorlar şurasının sədri Aleksandr Yesayan məlumat verib.
SUAL: -– İmzalanmış müqavilə ilə Azərbaycanın hansı hissəsinə internet trafiki təmin edilməsi nəzərdə tutulur və hansı həcmdə və ya gücə malik trafikdən söhbət gedir?
CAVAB: – – Naxicevan-Azərbaycan istiqamətlərində trafik tranzitini təmin edirik. Yəni Team Telecom Armenia Azərbaycana internet trafiki satacaq. Qeyd etmək lazımdır ki, beynəlxalq kanallar tamamlayıcı marşrutlar kimi fəaliyyət göstərir.
Müasir telekommunikasiya şəbəkələrində trafik texniki və operativ şərtlərdən asılı olaraq müxtəlif istiqamətlərlə ötürülə bilər.
Yeni qoşulmalar mövcud imkanları genişləndirir və şəbəkənin çevikliyini artırır. Tranzit xidmətlərin göstərilməsi üçün şəbəkələr bir-biri ilə avadanlıq, kabellər səviyyəsində fiziki birləşməyə malik olmalıdır.
Bu, internet xidməti deyil, DWDM texnologiyası ilə nöqtədən-nöqtəyə həyata keçirilən verilənlərin tranzit xidmətidir. Azərbaycan tərəfi saniyədə 100 giqabayt sürətə malik kabelə çıxış əldə edəcək, verilənlərə yox.
SUAL: – – Əməliyyatın milli təhlükəsizliklə bağlı riskləri varmı?
CAVAB – İnternet elə işləyir ki, dünyada fəaliyyət göstərən bütün qovşaqlar bir-biri ilə əlaqəlidir. Bu əməkdaşlıq ölkələr arasında verilənlər mübadiləsini nəzərdə tutmur, bu sadəcə internet tranziti müqaviləsidir.
İnternet trafikinin satışı əsasən “Telekom Armenia” tərəfindən həyata keçiriləcəyi üçün qarşı tərəf üçün potensial risklər daha yüksəkdir.
Telekommunikasiya infrastrukturlarının layihələndirilməsi və istismarı zamanı təhlükəsizlik tələbləri həmişə prioritetdir.
Yeni kanalların yaradılmasının məqsədi şəbəkənin dayanıqlığını artırmaq və ayrı-ayrı istiqamətlərdən asılılığı azaltmaqla daha müxtəlif və sabit infrastruktur təmin etməkdir.
SUAL: – Bunun sırf biznes əməliyyatı olduğunu və erməni tərəfinin marağının sırf maliyyə olduğunu söyləmək olarmı?
CAVAB: – Bəli, bu biznes əməliyyatıdır, müqavilə kommersiya əsasındadır. Eyni zamanda, daha geniş beynəlxalq ötürücülük qabiliyyəti və əlavə marşrutlar xidmətlərin daha yüksək dayanıqlığına, şəbəkənin sabitliyinə və beynəlxalq rabitə keyfiyyətinin yaxşılaşmasına töhfə verir.
SUAL: – Müqaviləni TRIPP-in məntiqi çərçivəsində dəyərləndirmək olarmı?
CAVAB: – Xeyr, bu əməkdaşlıq sırf iki özəl şirkət arasında razılaşmadır və nə TRIPP, nə də digər dövlətlərarası layihələrlə heç bir əlaqəsi yoxdur.
Bu layihə ilə biz Ermənistanın regionda internet tranziti ölkəsi kimi rolunu möhkəmləndiririk – trafiki Azərbaycana da satmaqla.
Bu, sırf telekommunikasiya və infrastruktur layihəsidir ki, məqsədi şəbəkənin dayanıqlığını artırmaq, beynəlxalq kanalları genişləndirmək və Ermənistanın rəqəmsal iqtisadiyyatının inkişafı üçün əlavə imkanlar yaratmaqdır.
Biz artıq Ermənistandan xaricə tranzit internet rabitəsinin ən böyük təchizatçısıyıq.
Bununla da Qafqazda və Yaxın Şərqdə tranzit internet trafikinin üç ən böyük təchizatçısından birinə çevrilirik.
Müqavilə çərçivəsində sadəcə olaraq qlobal internet şəbəkəsinin qlobal qovşaqlarına qoşulmaq üçün alternativ imkanları genişləndirir, həmçinin Azərbaycana xidmətlər satmağa başlayırıq.
“Telekom Armenia” və “Azərtelecom” şirkətləri iki ölkənin əraziləri ilə tranzit internetin ötürülməsi və təchizatını kommersiya əsasında nəzərdə tutan ikitərəfli müqavilə imzalayıblar.
Müqavilə çərçivəsində “Telekom Armenia”regionda aparıcı tranzit operator olaraq beynəlxalq internet trafikinin təchizatı ölkələrinin sayını və coğrafiyasını genişləndirir, öz infrastrukturları vasitəsilə Azərbaycana tranziti təmin edir.
Müqavilə regionda kanalların diversifikasiyasına, telekommunikasiya şəbəkələrinin etibarlılığının artırılmasına və telekom sahəsində əməkdaşlığın inkişafına töhfə vermək məqsədi daşıyır.
