İranın Ermənistandakı səfiri Xəlil Şirqolami Türkiyə prezidenti Rəcəb Tayyib Ərdoğan və Azərbaycan prezidenti İlham Əliyevin İranın şəhid ruhani lideri Əli Xamenei ilə vida mərasimində iştirak etməmələrinə münasibət bildirib.
“Armenpress”in məlumatına görə, 8 iyulda Yerevanda keçirilən mətbuat konfransında səfir qeyd edib ki, Türkiyə və Azərbaycan prezidentlərinin İranın şəhid ruhani lideri ilə vida mərasimində iştirak etməməsi həmin ölkələrin özlərinin siyasi qərarları ilə bağlıdır: həmin ölkələr mərasimlərdə hansı səviyyədə iştirak etməli olduqlarına özləri qərar verirlər.
“Bir İran vətəndaşı olaraq deyə bilərəm ki, biz İlham və Ərdoğanın həmin tədbirdə şəxsən iştirak etməsini gözləyirdik. Lakin Türkiyə tərəfində vitse-prezident, Azərbaycan tərəfində isə parlamentin sədri iştirak edib. Hər halda, bu fakt tarixi yaddaşda qalacaq”, – deyə səfir bildirib.
O əlavə edib ki, Türkiyəyə gəldikdə, yuxarıda qeyd olunan mərasimin Türkiyədə keçiriləcək NATO sammitinə çox yaxın olduğu barədə söhbətlər gedirdi, buna görə də Rəcəb Tayyib Ərdoğan bu məsələlərlə məşğul idi və şəxsən Tehrana səfər edə bilmədi.
