Düşünürəm ki, Ermənistan Türkiyə ilə indiki münasibətlərdə fasilə versə, daha yaxşı olar. Bunu Qafqaz İnstitutunun direktoru Aleksandr İskandaryan Armİnfo-ya bildirib.
“Şübhə yoxdur ki, qonşularla problemlər öz həllini tapmalıdır. Amma konkret halda Ermənistan üçün vəziyyət onun opponentləri olan Türkiyə və Azərbaycanın vahid mövqeyi nəticəsində daha mürəkkəbdir. Bununla belə, Ermənistan bizə türklərlə bərabər danışıq apara bilməyə və öz maraqlarımızı müdafiə etməyə imkan verəcək vəziyyətdə deyil. Və əgər “futbol” diplomatiyası zamanı Yerevan “yox” deyib buna son qoya bilsəydi, bu gün Ermənistan o imkandan məhrumdur”.
Belə bir şəraitdə Ermənistanın Türkiyə ilə prosesdə uğur qazanma şansı, politoloqun fikrincə, geosiyasi oyunun necə gedəcəyindən asılıdır, çünki Yerevan öz gücünə arxalana bilmir. Hansı ki, 44 günlük müharibədəki məğlubiyyətin nəticəsidir. Eləcə də faktiki olaraq bu gün Ermənistanın həm xarici, həm də daxili siyasətində baş verənlərin hamısı bunun nəticəsidir.
Yerevan və Ankara münasibətlərin normallaşdırılmasına dair danışıqların aparıldığını elan ediblər.
Ermənistanın Azərbaycanla münasibətlərinin hazırkı səviyyəsini şərh edən İskandaryan qeyd edib ki, Bakı öz problemlərini müharibə yolu ilə həll edə bilməyib və Artsax məsələsi beynəlxalq gündəmin bir hissəsi olaraq qalır. Üstəlik, onun fikrincə, Ermənistan və Azərbaycanla sərhəddəki problemlərin həlli hamıya, o cümlədən onunla məşğul olan Rusiyaya lazımdır.
“Və əlbəttə ki, kommunikasiya məsələsi. Moskva onları açmağa və beləliklə, iqtisadi əlaqələr yaratmaqla Ermənistanla Azərbaycan arasında gərginliyi azaltmağa çalışır. Üstəlik, bu, nə türklərə, nə də azərbaycanlılara qətiyyən lazım deyil. Onlara bu işdə yalnız Syunikdən keçən və Ermənistanın nəzarəti altında olmayan bir yol lazımdır. “Zangezur dəhlizi” iqtisadiyyatdan uzaqdır, sırf geosiyasi layihədir”, – deyə İskandaryan yekunlaşdırıb.
