Ermənistan tərəfinin mövqeyi ondan ibarətdir ki, Ermənistan və Azərbaycan arasında münasibətlərin normallaşdırılması ilə bağlı hər iki tərəfin təqdim etdiyi təkliflər birləşdirilməli, nəticədə sülh gündəliyi üzrə danışıqlara başlanmalıdır.
Bunu Təhlükəsizlik Şurasının katibi Armen Qriqoryan hökumətin iclasından sonra jurnalistlərə verdiyi brifinqdə deyib.
“Bizim sülh gündəliyinə yanaşmamız ondan ibarət idi ki, Azərbaycan və Ermənistanın təklif etdiyi paketlər birləşdirilməli və nəticədə sülh gündəliyi üzrə danışıqlara başlanılmalıdır. Biz təbii olaraq Brüsseldə bu məsələni qaldırdıq. Bizim gördüyümüz o oldu ki, Azərbaycanda belə bir təsəvvür var ki, biz irəli getməliyik”, – Qriqoryan bildirib.
Təhlükəsizlik Şurasının katibi qeyd edib ki, Ermənistan tərəfi sülh gündəliyi üzrə ümumi razılığa gəlməyə ümid edir: “Sülh gündəmi birtərəfli ola bilməz, sülh gündəmi ikitərəfli olmalıdır və bu ikitərəfli məntiqlə irəliləmək üçün bu iki təklifin paketi birləşdirilməlidir”.
Qriqoryan əlavə edib ki, onlar işlərini davam edəcəklər.
