“Davamlı gələcək naminə irsin qorunması”: erməni çapının 510 illiyinə həsr olunmuş konfrans

Ermənistan Milli Kitabxanası ER Təhsil, Elm, Mədəniyyət və İdman Nazirliyinin dəstəyi ilə sentyabrın 29-dan oktyabrın 1-dək erməni çapının 510 illiyinə həsr olunmuş “Davamlı gələcək naminə irsin qorunması” adlı beynəlxalq konfrans keçirəcək. Bu barədə Nazirliyin mətbuat xidmətindən məlumat yayıblar.

Konfransın məqsədi dünyanın müxtəlif ölkələrindən olan sahənin aparıcı və gənc mütəxəssislərini birləşdirərək, beynəlxalq kitabxana təcrübəsinin mübadiləsi, aktual məsələlərin müzakirəsi, innovasiyaların təqdimatı, eləcə də qəbul olunmuş beynəlxalq formatlar, idarəetmə sistemləri və texnologiyalar tətbiqi təcrübəsinin mübadiləsi platformasına çevrilməkdir.

Konfrans çərçivəsində kitabxanada Amerika Birləşmiş Ştatları, Almaniya Federativ Respublikası, Fransa Respublikası, Niderland Krallığı, Serbiya Respublikası, Livan Respublikası, Küveyt, İspaniya Krallığı, Macarıstan Xalq Respublikası, Rusiya Federasiyası, Belarus Respublikası, Qırğızıstan Respublikası, Moldova Respublikası, Tacikistan Respublikası, Özbəkistan Respublikası, Nigeriya Federativ Respublikası və digər ölkələrdən mütəxəssislər iştirak edəcək (təxminən 150 iştirakçı).

Konfransın əsas məruzəçiləri “İnternet Arxivi”nin təsisçisi Bryuster Kale, Beynəlxalq Kitabxana Assosiasiyaları və İnstitutları Federasiyasının (İFLA) prezidenti Barbara Lizondur.

Konfransın üçüncü günündə iştirakçıları Ermənistanın çoxəsrlik tarixi-mədəni irsi ilə tanış etmək üçün mədəni proqram nəzərdə tutulub.