Azərbaycanın Ermənistanın beynəlxalq səviyyədə tanınmış ərazisinə zərbələr endirilməsi və hücumları BMT Nizamnaməsinin pozulmasıdır. Bu barədə Fransanın Avropa və xarici işlər naziri Ketrin Kolonna Fransa Senatında bildirib.
Onun sözlərinə görə, Fransa erməni xalqı ilə çiyin-çiyinə dayanır.
“Bizim hekayələrimiz 1915-ci il Erməni Soyqırımından sonra ölkəmiz qaçqınları qəbul etdikdən sonra bir-birinə bağlıdır. Biz erməni xalqı ilə həmrəylik nümayiş etdiririk və münaqişənin danışıqlar və sülh yolu ilə həllinə nail olana qədər bunu davam etdirəcəyik”, – deyə o bildirib.
O qeyd edib ki, Fransa erməni hərbi əsirlərin azad edilməsi üçün fəal səylər göstərir.
Kolonna vurğuladı ki, Fransa Avropa İttifaqı ilə birlikdə iki ölkə arasında davam edən dialoq prosesində iştirak edir.
“Prezident Makron bunu sabah bir sıra avropalı tərəfdaşları ilə davam etdirəcək, çünki o, sülh və beynəlxalq hüquqa sadiqdir”, – nazir bildirib.
