Ötən il Ermənistana böyük birbaşa xarici investisiya axını müşahidə olunub, bu, ÜDM-in 5,1 faizini təşkil edib.
“Armenpress”in məlumatına görə, bunu ER maliyyə naziri Vahe Hovhannisyan Parlamentin maliyyə krediti və büdcə məsələləri daimi komissiyasının iclasında 2022-ci il dövlət büdcəsinin icrasına dair illik hesabatın təsdiqi layihəsinin təqdimatı zamanı deyib.
“Bizə birbaşa xarici investisiyaların böyük axını var ki, bu da ÜDM-in 5,1 faizini təşkil edir. Bu, son illər üçün çox yüksək göstəricidir”, – deyə nazir bildirib.
Onun sözlərinə görə, kapitalın toplanması indeksi də kifayət qədər yüksəkdir. Başqa sözlə, Ermənistanın iş adamları öz gəlirlərini kapital imkanlarının inkişafına yatırıblar. “Əminik ki, ilk illərdə biz bu investisiyaların iqtisadiyyatımızın potensialına müsbət təsirini hiss edəcəyik”, – deyə Hovhannisyan əlavə edib.
