Qardman-Şirvan-Naxicevan Ümumerməni Birliyinin Azərbaycanın vandalizmi ilə bağlı bəyanatı

Qardman-Şirvan-Naxicevan Ümumerməni Birliyi Azərbaycanın vandalizmi ilə bağlı bəyanat yayıb.

“Son vaxtlar Azərbaycanda mütəmadi olaraq mədəni irsin qorunmasına həsr olunmuş tədbirlər, panel müzakirələri keçirilir. Bir neçə gün əvvəl “Mədəni irs” adlı konfrans baş tutub, onun çərçivəsində maddi və qeyri-maddi mədəni irsin qorunub saxlanması məsələsinə və mövcud çağırışlara həsr olunmuş bir sıra panel müzakirələri keçirilib.

Görünən odur ki, deyilənlər problemli deyil, lakin “mədəni irsin mühafizəsi”nin yanına erməni mədəniyyətinin son onilliklər ərzində sistemli və vaxtaşırı olaraq bilavasitə silahlı qüvvələri tərəfindən məhv edilən nümunələrini qoyanda problemli və hətta gülünc olur.

Mədəniyyətin qorunub saxlanmasından narahat olan Azərbaycan hakimiyyəti Hin Cuğanın minlərlə xaçkarının harada olduğunu deyə bilərmi? Ya da qəbiristanlığın yerində poliqon tikmək normalmı? Bakıda erməni kilsəsini qoruyub saxlayıb, anbar kimi istifadə edilməsi normalmı? Şuşidəki Qazançetsots kilsəsinin “memarlıq rahatlığına” uyğun yenidən qurulması və ya qəbiristanlıqdan yolun çəkilməsi normalmı? Bakının erməni memarlığının mənimsənilməsi və ümumiyyətlə, erməniliyin rədd edilməsi normal davranışdırmı?

Bunlar cavab vermək üçün çox səy tələb etməyən sadə suallardır. Bu, dini və etnik ayrı-seçkiliyin bariz təzahürüdür, mədəniyyətin qorunub saxlanmasından danışılır, amma praktikada başqa mədəniyyətin tamamilə məhv edilməsi həyata keçirilir.

Belə çıxır ki, mədəniyyəti məhv edən hakimiyyət “mədəniyyətin qorunmasından” danışır. Bu, müasir dünyada regional sabitliyə və demokratikləşməyə misli görünməmiş təhlükə olan vandalizmdir”, – bəyanatda deyilir.