Şübhə etmirəm ki, əgər sülh müqaviləsini biz imzalaya bilsək, Ermənistanın maraqlarına tam cavab verəcək. Bu haqda Ermənistan Təhlükəsizlik Şurasının katibi Armen Qriqoryan İctimai Televiziya şirkətinə müsahibəsi ərzində sülh sazişinin təfərrüatları ilə tanış olduqdan sonra müxalifətin tənqidlərinə toxunaraq qeyd edib.
“Bizim fikrimizcə, Ermənistan Respublikasının ərazi bütövlüyü və suverenliyinin sülh müqaviləsi ilə qorunması Ermənistanın marağındadır. Hazırda Ermənistan bu məsələlərlə bağlı danışıqlar aparır və əminəm ki, biz bu istiqamətdə irəliləyişli olacağıq.
Şübhə etmirəm ki, sülh müqaviləsi, əgər biz onu imzalaya bilsək, Ermənistanın maraqlarına tam cavab verəcək. ER-nin maraqlarına zidd olan elə sənəd ola bilməz ki, biz onu imzalayırıq”- deyə o, qeyd edib.
Armen Qriqoryan bildirir ki, sülh müqaviləsinin məqsədi Ermənistanla Azərbaycan arasında sülhü bərqərar etməkdir və danışıqların mənası məhz o sülhə nail olmaqdır.
“Sülh sazişinin mənası təminat yaratmaqdır və bu təminatlar erməni tərəfinin təklifləri ilə yaradılır. Yəni danışıqlar masasında olanlar və Ermənistanın təklif etdikləri ER üçün təhlükəsizlik təminatları yaradır”.
Parlamentin deputatı İşxan Saqatelyanın Azərbaycanın sülh müqaviləsi ilə silah gücü ilə əldə etdiyi nailiyyətlərdən yararlanması ilə bağlı tənqidinə toxunan Qriqoryan bildirib ki, sülh müqaviləsi regionda Ermənistan və Azərbaycan arasında birgə yaşayış yaratmağa və iki ölkənin bir-birinə qarşı ərazi ambisiyalarının olmadığına cəhd etməkdən ibarətdir. .
Təhlükəsizlik Şurasının katibi hər hansı dəhliz məsələsinin müzakirəsini istisna edib. “Hər hansısa dəhliz məsələsi ola bilməz, belə bir şey istisna olunacaq. Azərbaycanlılar bizi şifahi şəkildə əmin edirlər ki, onlar ER-nin 4 prinsipini qəbul edirlər: suverenlik, yurisdiksiya, qarşılıqlılıq və bərabərlik və biz danışıqlar zamanı bu 4 prinsipi qeydə alacağıq”.
