Eyni zamanda, bu gün Dağlıq Qarabağ ərazisində monastırların adlarının necə dəyişdirildiyinə və Erməni kilsəsinin keçmişinin mənimsənilməsinə diqqət çəkmək istəyirəm.
Bu barədə Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini Konstantin Zatulin Beynəlxalq Rusiya-Ermənistan “Lazarev klubu”nun altıncı iclası zamanı məlumat verib.
“Belə bir nəzəriyyə irəli sürülüb ki, bunlar erməni yox, alban monastırlarıdır. Həqiqətən də, bir vaxtlar erməni kilsəsinin tərkibində olan alban kilsəsi var idi, udinlər isə on minə yaxındır, bu gün onları guya erməni olmayan kilsənin qanuni varisləri kimi təqdim etməyə çalışırlar.
2020-ci ildə sülhməramlılarımız Qarabağa daxil olarkən, erməni tərəfinin xahişi ilə Dadivank monastır kompleksində məsuliyyət zonasına daxil olmayan ayrıca nəzarət məntəqəsi yaradılmışdı, çünki erməni tərəfi həmin monastırın qorunub saxlanmasının vacibliyini israr edirdi.
Bu gün bilirsiniz, orada heç bir nəzarət məntəqəsi yoxdur və bu monastırın adı artıq dəyişdirilib, Azərbaycan transkripsiyasında başqa adla gedir. Bu, mədəni və tarixi irsə qarşı birbaşa cinayətdir və fikrimcə, bu, mütləq bizim yekun bəyanatımıza daxil edilməlidir” – deyə Konstantin Zatulin vurğulayıb.
