İyunun 18-də iqtisadiyyat naziri Gevorq Papoyan Ukraynanın Ermənistan Respublikasındakı müvəqqəti nümayəndəsi Valeri Lobaxı qəbul edib.
Söhbət zamanı iki ölkə arasında ticarət-iqtisadi əlaqələrin inkişafı və ticarət dövriyyəsinin həcminin artırılması ilə bağlı bir sıra məsələlər müzakirə olunub.
“Biz iqtisadiyyatın şaxələndirilməsi yolu ilə gedirik, müxtəlif ölkələrlə əlaqələri inkişaf etdiririk və təbii ki, ənənəvi tərəfdaşlarla əlaqələri davam etdiririk” – deyə Gevorq Papoyan bildirib.
Görüşdə qarşılıqlı maraq doğuran bir sıra sahələr və əməkdaşlığın perspektivləri, xüsusilə sənaye, kənd təsərrüfatı, ticarət, əczaçılıq, metallurgiya, səhiyyə, energetika və digər sahələrə aid məsələlər müzakirə edilib.
Nazir, həmçinin ER hökumətinin sülhün bərqərar olması və region ölkələri üçün ticarət-iqtisadi imkanların yaradılması kontekstində həyata keçirdiyi “Sülhün kəsişməsi” layihəsinin əhəmiyyətini təqdim edib.
