Sentyabrda “Demokratik Qüvvələr Platforması”nın təşəbbüsü ilə Ermənistanın Aİ-yə üzvlüyü üçün imzatoplamaya başlanılacaq, bu barədə “Respublika” partiyasının sədri Aram Sargsyan bu gün keçirilən mətbuat konfransında bildirib. “Bunun üçün təşəbbüs qrupu yaradılıb. Qanun tələb edir ki, təşəbbüs qrupunda ən azı 25 üzv olsun. Səhv etmirəmsə, 50 üzvümüz var.
Təşəbbüs qrupu öz arasından Mərkəzi Seçki Komissiyasında qrup adından çıxış edəcək səlahiyyətli nümayəndə seçir. İmzalar toplandıqdan sonra o həm da Parlamentin Dövlət Hüquq Komitəsində çıxış edərək onu təqdim edəcək. Əgər dövlət hüquq komissiyası təsdiq edərsə, o zaman təşəbbüs Parlamentin plenar iclasına təqdim edilməlidir”, – deyə Sargsyan ətraflı şəkildə bildirib. “Respublika” partiyasının sədri elan edib ki, təşəbbüs qrupu Artak Zeynalyanı səlahiyyətli nümayəndə təyin edib.
“Biz şayiələri eşitdik ki, 50 min imza toplamaq və onları rədd etmək hökumətin marağında deyil. Biz təşəbbüsü mümkün qədər toxunulmaz etdik ki, MSK onu rədd etməsin”. Əgər 50 min ER vətəndaşının imzası toplansa, o zaman Konstitusiyaya əsasən, məsələ Parlamentin gündəliyinə çıxarılacaq.
Əgər qəbul olunmasa, layihənin referenduma çıxarılması üçün 300 min imza lazımdır. Xatırladaq ki, iyunun 21-də demokratik qüvvələrin təşəbbüsü ilə Ermənistanın Aİ-yə daxil olması ilə bağlı referendumun keçirilməsi məsələsi ilə bağlı parlament dinləmələri də keçirilib.
