“3+3” regional əməkdaşlıq platformasının (red. Ermənistan, Gürcüstan, Azərbaycan+Rusiya, İran, Türkiyə) yeni görüşünün vaxtı müəyyənləşib.
Alınan məlumata görə, bu haqda İranın Ermənistandakı səfiri Mehdi Sobhani jurnalistin sualını cavablandırarkən deyib.
“Dəqiq müddət var, bu, diplomatik kanallar vasitəsilə elan olunacaq” – deyə o, bildirərək əlavə edib ki, görüşün Xarici işlər nazirləri səviyyəsində keçiriləcəyi əvvəlcədən məlum idi.
Bu dəfəki görüşün yeri Türkiyə olacaq. 3+3 məsləhət platformasının ilk sessiyası 2021-ci ilin dekabrında keçirilib.
Həmin vaxt sessiyada Ermənistan, Azərbaycan, Rusiya, İran və Türkiyə Xarici işlər nazirlərinin müavinləri iştirak edirdi.
Gürcüstan görüşdə iştirakdan imtina edib. Platformanın ikinci sessiyası 2023-cü ilin oktyabrında keçirilib. Görüş İranın paytaxtı Tehranda xarici işlər nazirləri səviyyəsində keçirilib. Gürcüstan platformanın ikinci sessiyasında həmçinin iştirak etməyib.
