Olivye Dekotin: “Nikol Paşinyan Fransada keçiriləcək Frankofoniyanın 19-cu Sammitinə dəvət olunub”

Fransa hökuməti Ermənistanın Baş naziri Nikol Paşinyanı 19-cu Frankofoniya Sammitində iştirak etməyə  dəvət edib.

Bu haqda, sentyabrın 17-də Fransanın ER-da  səfiri Olivye Dekotin jurnalistləri məlumatlandırıb.

Qeyd edək ki, 2024-cü il oktyabrın 4 və 5-də Fransa Villers-Kotterais və Parisdə Frankofoniyanın 19-cu Sammitinə ev sahibliyi edəcək.

“Təxminən 10 gün sonra Villers-Kotter şəhərində Frankofoniya sammiti keçiriləcək və oraya ER-nın  Baş naziri Nikol Paşinyan  həmçinin  dəvət olunub.

 “Fransa Xarici işlər naziri Stefan Sejournes, Ermənistanın Xarici işlər naziri Ararat Mirzoyan və Ermənistanın Baş naziri Nikol Paşinyanla görüşlərdə frankofoniya mövzusu müzakirə olunub” – deyə Dkotinyi bildirib.

Onun sözlərinə görə, Frankofoniya Sammiti iki ölkə arasında xüsusi bağ yaradır. Fransa səfiri bunun Ermənistan üçün də strateji əhəmiyyət kəsb etdiyini, siyasi, hərbi, mədəni və digər sahələrdə çoxsahəli əməkdaşlığın nəzərdə tutulduğunu vurğulayıb.

Xatırladırıq ki, Beynəlxalq Frankofoniya Təşkilatına üzv dövlətlərin və hökumət başçılarının görüşü 1986-cı ildən etibarən keçirilir.

Sammitlərdə dövlət və ya hökumət başçıları beynəlxalq siyasət, dünya iqtisadiyyatı, Frankofoniya əməkdaşlığı, insan hüquqları və təhsil, mədəniyyət və demokratiya məsələlərini müzakirə edirlər. Sammit zamanı qətnamələr qəbul edilir, baş katib seçilir və bir sıra digər qərarlar qəbul edilir.

Onu da xatırladaq ki, 2023-cü ilin noyabrında Ermənistan 2027-ci ildə Frankofoniya Beynəlxalq İdman və Mədəniyyət oyunlarının Ermənistanda keçirilməsi ilə bağlı rəsmi təklif təqdim edib.

Artıq memorandum imzalanıb və Frankofoniya oyunlarının bayrağı Ermənistana təhvil verilib.