Yeni Kaledoniya Konqresinin yeni seçilmiş prezidenti Veilma Falaeo Azərbaycanla əməkdaşlıq müqaviləsini rəsmən “etibarsız” elan edib.
Yerli mətbuata açıqlama verən Falaeo bildirib ki, aprelin 18-də Bakıda Omaira Neisselin ilə Azərbaycan parlamentinin sədri Sahibə Qafarova arasında imzalanmış memorandumu ləğv edir. Falaeo bildirib ki, razılaşma Yeni Kaledoniyanın daxili işlərinə xarici müdaxilə kimi qiymətləndirilməlidir.
Oktyabrın 19-da Azərbaycanın müxalif siyasətçisi Cəmil Həsənli Azərbaycan hökumətinin Yeni Kaledoniyadakı vəziyyətə müdaxiləsini tənqid edib.
“Yaşayış səviyyəsinə görə 93-cü yerdə olan ölkənin dünyada 33-cü yerdə olan əraziyə yardım etməyə çalışması absurddur. Prinsipcə, ÜDM-ə görə Azərbaycandan altı dəfədən çox zəngin olan Yeni Kaledoniyanın Azərbaycanı Əliyevlər ailəsi kolonializmindən və rus vassalılığından azad etmək qərarına gəlsəydi, bunu başa düşmək olardı.
Gürcüstan və Ermənistandan aşağı maaş və pensiya alan Azərbaycan xalqının bu pulun hər qəpiyə ehtiyacı var, 18 ildir uşaq pulu almaq imkanı olmayan Azərbaycan övladlarının isə bu pulun hər manatına ehtiyacı var”- o qeyd edib/ Həsənli Azərbaycanda adambaşına düşən ÜDM (6800 dollar) ilə Yeni Kaledoniya (38 min dollar) arasındakı fərqi da vurgulayıb.
